Сонгуулийн хууль тогтоомжийг олон нийтэд тайлбарлан таниулах, сонгогчдын боловсролыг дээшлүүлэх, сургалт, судалгаа явуулах, сонгуулийн явц, хугацааны талаар сонгогчдыг мэдээллээр хангах үүргээ хэрэгжүүлэх зорилгоор Монгол Улсын Сонгуулийн ерөнхий хорооноос 21 аймаг тус бүрт сургагч багш бэлтгэсэн.
Хэнтий аймгаас бэлтгэгдсэн сургагч багш болох АЗДТГ-ын мэргэжилтэн Г.Пүрэвбаатар, СУАЖЗГ-н хэлтсийн дарга Ц. Туяасайхан нар 2025 оны 5 дугаар сарын 11-ний өдөр аймгийн төвийн Ерөнхий боловсролын таван сургууль, Политехник коллежийн нийт 25 хүүхдийг хамруулж Хариуцлагатай сонгогч сэдэвт сургалт зохион байгууллаа.
Сургалт гурван үндсэн модулийн хүрээнд явагдлаа. Үүнд :
– “Сонгууль ба Сонгох, сонгогдох эрх”,
– “Сонгуулийн үйл явцыг ойлгох нь”,
– “Хариуцлагатай сонгогч байх нь” сэдвийн хүрээнд зохион байгуулагдлаа.
Уг сургалтыг Монгол Улсын Сонгуулийн ерөнхий хорооноос бэлтгэгдсэн сургагч багш нар энэ 5 дугаар сард 21 аймаг 9 дүүрэгт тус тус зохион байгуулж байна.
