Монгол улсад цэргийн дээд цол болох " генерал" цол олгож эхэлсний 81 жилийн ойн хүрээнд 2025 оны 05 дугаар сарын 16-нд Хэнтий аймгийн Музейд "Генералын танхим"- ыг шинээр дэглэн нээх ёслолын ажиллагаа амжилттай боллоо.
Нээлтийн арга хэмжээнд Хэнтий аймгийн Иргэдийн Төлөөлөгчдийн Хурлын дарга Б.Цогт-Орших, аймгийн Засаг дарга Д.Аюурбунь нар оролцож, баярын мэндчилгээ дэвшүүллээ.
"Генералын танхим" нь Хэнтий аймгаас төрөн гарсан 11 генералын алдар гавьяа, амьдралын замнал, түүхэн үйл хэрэгт зориулсан бөгөөд хойч үедээ эх оронч үзэл, бахархлыг төлөвшүүлэх зорилготойгоор байгуулагдсан юм. Энэхүү танхим нь түүхэн баримт, гэрэл зургийн үзэсгэлэн, генералуудын хэрэглэж байсан эд зүйлс, шагнал тэмдгүүд зэрэг ховор нандин үзмэрүүдийг агуулсан бөгөөд хүүхэд залуучуудад эх орон, төр, ард түмнийхээ өмнө хүлээх үүрэг хариуцлагыг ухааруулан, эх оронч сэтгэлгээг төлөвшүүлэхэд чухал үүрэг гүйцэтгэх юм.
Монгол генералын өдрийг тохиолдуулан Хэнтий нутгаас төрсөн алтан мөрдөст генералуудаа алдаршуулах, тэдний гавьяат үйл хэргийг мөнхжүүлж, залуу үедээ үлгэр дуурайлал болгох зорилгоор байгуулсан уг арга хэмжээ нь аймгийн түүхэн бахархлыг олон нийтэд таниулах чухал үйл явдал боллоо.
