Хэнтий аймгийн Мөрөн сумын Засаг дарга Н.Хатанбаатар, ЭМТ-ийн эрхлэгч Б.Гандолгор нар Улаанбаатар хотын хүүхэд, дотрын чиглэлээр үйл ажиллагаа явуулдаг “Нинжин эмнэлэг”-тэй хамтран ажиллах гурвалсан гэрээнд гарын үсэг зурлаа.
Энэхүү хамтын ажиллагааны хүрээнд Мөрөн сумын харьяалалтай иргэдэд урьдчилан сэргийлэх үзлэг, мөн лавлагаа шатлалын нарийн мэргэжлийн тусламж үйлчилгээг орон нутагт нь чанартай, хүртээмжтэй хүргэх нөхцөлийг бүрдүүлэх зорилготой юм.
Ингэснээр Мөрөн сумын иргэд орон нутагтаа нарийн мэргэжлийн эмчийн үзлэгт хамрагдах боломж бүрдэх юм.
