Хэнтий аймаг дахь Төрийн аудитын байгууллагаас 2025 онд гүйцэтгэх санхүүгийн тайлангийн аудит эхэлж буйтай холбоотойгоор “Төсвийн хөрөнгийг хэмнэлттэй, үр ашигтай зарцуулж, төрийн санхүүгийн удирдлагыг сайжруулъя” сэдвийн дор санхүүгийн тайлангийн аудитын нээлтийг зохион байгууллаа. Нээлтэд аймгийн төвд үйл ажиллагаа явуулдаг 65 байгууллагын 126 удирдлага, нягтлан бодогчдыг танхимаар, сумдын Засаг дарга, тосгодын захирагчдаар ахлуулсан 150 байгууллагын 262 албан тушаалтныг цахимаар оролцууллаа. Тус үйл ажиллагааны хүрээнд:
1. Аймаг дахь Төрийн аудитын байгууллагын 2024 оны үйл ажиллгааны товч тайлан /Аудитын менежер Д.Оюунтуяа/
2. Гүйцэтгэл, нийцлийн аудитын талаарх мэдээлэл, түүний үр дүнгийн танилцуулга /Ахлах аудитор Д.Эрдэнэбилэг/
3. Төрийн аудитын байгууллагаас 2024-2025 онд гүйцэтгэх санхүүгийн тайлангийн аудитад баримтлах ерөнхий чиглэл/Ахлах аудитор Г.Энх-Амгалан/-ийн талаар мэдээлэл хүргэж ажиллалаа.
Мөн төсөв, төрийн болон орон нутгийн өмчийг эзэмших, ашиглах, захиран зарцуулахтай холбоотой гэмт хэргээс урьдчилан сэргийлэх чиглэлээр Хэнтий аймгийн Прокурорын газрын хяналтын прокурор Б.Нарангэрэл мэдээлэл танилцуулга хийлээ.
Нээлтийн үйл ажиллагааны төгсгөлд оролцогчдоос Төрийн аудитын байгууллагын үйл ажиллагааны талаар цахим судалгааг авч ажиллалаа.
