Монгол орны зүүн бүс болох Хэнтий, Сүхбаатар, Дорнод аймгууд нь өргөн уудам нутагтай, харьцангуй хүн ам багатай бүс нутаг юм. Зүүн бүсийн бүх аймаг сум шилэн кабелиар холбогдсон ч 45 багт сүлжээ ороогүй байна.
Тиймээс Цахим хөгжил, инновац, харилцаа холбооны яамнаас энэ жил 29 цэгт үүрэн холбооны сүлжээ тавихаар болжээ.
Хэнтий аймгийн хувьд Баянмөнх сумын Баянбулаг багийн Хар ус өндөр, Үнэгт уул, Дулаан баг, Биндэр сумын Мандалхаан баг, Батноров сумын Идэрмэг 5 дугаар баг, Баян-Адарга сумын Сайхан 1 дүгээр баг, Галшар сумын Сангийн далай баг, Норовлин сумын Баян-Өлзийт 1 дүгээр баг, Дархан сумын Шажин баг, Дадал сумын Онон 1 дүгээр багуудад сүлжээ тавигдах юм.
