Монгол Улсын Их Хурлын 2024 оны ээлжит сонгуулийг нутаг дэвсгэрийн хэмжээнд зохион байгуулж явуулах үүрэг бүхий сумын сонгуулийн хорооны дарга, нарийн бичгийн дарга нарт сонгуулийн хууль тогтоомжийн хэрэгжилтийг хангах, сонгуулийн хороодын ажлын зохион байгуулалт, автоматжуулсан систем ашиглах зэрэг сэдвээр арга зүйн зааварчилгаа өгөх сургалтыг зохион байгууллаа.
Сургалтад танхимаар 36, цахимаар 700 гаруй албан хаагч хамрагдсан бөгөөд СЕХ-ны Мэдээлэл судалгаа, сургалтын төвийн дарга Т.Гүенбаатар, референт Б.Болор-Эрдэнэ болон аймгийн сонгуулийн хорооны дарга Ж.Гантулга, гишүүд сургалтыг удирдан явуулсан юм.
