Хэнтий аймгийн ГХБХБГ-аас 5 дугаар сарын 9-ний өдөр орон нутгийн төсвийн хөрөнгө оруулалтаар хийгдэж буй Галшар сумын хуучин соёлын төвийн засварын ажлын явцад захиалагчийн техникийн хяналт гүйцэтгэлээ.
Тус барилгын ажлын талбайд 10 хүн ажиллаж байгаа бөгөөд одоогоор дотор ханын шаврын нөхөөс, замаскийнажлууд хийгдэж байна. Барилгын зураг төслийг "Урантод цэг" ХХК хийсэн бол барилгын гүйцэтгэгчээр "Баялагхурах" ХХК ажиллаж байгаа юм. 5 дугаар сарын 9-ний байдлаар ажлын явц 50 хувьтай үргэлжилж байна.
Хяналтаар хуучин шат болон налуу замыг буулган стандарт, норм дүрмийн дагуу шинэчилж хийх, налуу шатанд бариул гаргах, орц хэсэгт шалны түвшингийн зөрүүг засаж, хаалганы босгыг тэргэнцэр нэвтрэхэд саадгүй болгох, үндсэн шалны түвшнээс өндөр үүд хэсгийн шалны шороон нягтруулалтыг сайтар хийж, дотор шат хүртэл тосгож болох, ажлын талбайд хөдөлмөр хамгаалал, аюулгүй ажиллагааг тогтмол мөрдөж ажиллах, барилгын ажлын гүйцэтгэл бүрд хөтлөх самбар ашиглах зэрэг үүрэг даалгавар, зөвлөмжийг өглөө.
