Өнөөдөр УИХ-ын гишүүн Ц.Идэрбат өөрийн фэйсбүүк хуудастаа томилолтын мөрөөр гэж гарчиглаад: “- Хэнтий, Дорнод, Сүхбаатар аймгаар албан томилолтоор ажиллах үед Дорнод аймгийн ард иргэдээс Улаанбаатар -Дорнод чиглэлийн замын 50 км нь маш их эвдрэлтэй, ирсэн, явсан хүмүүсийн амь нас, цаг зав, эд хөрөнгийг эрсдэлд оруулдаг талаар хүсэлтүүд хэлж байсан юм.
Уг асуудлаар Зам, тээврийн хөгжлийн сайд С.Бямбацогтоос тодруулахад дээрх замын засварын ажлыг гүйцэтгэх хөрөнгийг тус аймгаас сонгогдсон гишүүд Улсын төсөв (Дэлхийн банкны санхүүжилтээр)-т тусгасан бөгөөд сонгон шалгаруулалт зарлагдсан, сонгон шалгаруулалтын дүн гарсны дараа Дэлхийн банк шалгах давхар процесс явагдах юм байна. Энэ шалгаруулалтаас гарсан хэмнэлтээр Булган сумын орчмын зам засварыг хийхээр төлөвлөж байгаа тухай мэдээллийг өглөө” хэмээжээ.
