Улсын Их Хурлын ээлжит сонгууль ирэх 6 дугаар сарын 28-нд явагдана. Тэгвэл 6-р тойрог буюу зүүн аймгуудад Үндэсний эвслээс Дорнод аймгийн ИТХ-ын төлөөлөгч, хууль өмгөөлөгч Чулууны Эрдэнэбат дэвшихээр болжээ. Тэрбээр Дорнод аймгийн Чойбалсан хотод 1975 онд төрсөн, эхнэр 3 хүүгийн хамт амьдардаг.
Түүний хувьд Дорнод аймгийн Баянтүмэн сумын уугуул бөгөөд аав А.Чулуун нь Дорнод аймгийн Хөлөнбуйр сумын уугуул /барга ястан/, ээж Д.Пүрэв нь Дорнод аймгийн Чойбалсан сумын уугуул хүмүүс юм. Харин эхнэр С.Базаррагчаа нь Завхан аймгийн уугуул Онцгой байдлын бэлтгэл дэд хурандаа, техникийн ухааны доктор зэрэгтэй. ДХИС-ийн багш, гамшгаас хамгаалах, гамшгийн эрсдэлийг бууруулах чиглэлээр эрдэм, судалгааны ажил эрхэлдэг. Том хүү Э.Цолмон нь Япон улсад оюутан, дунд хүү Э.Хаштөгөлдөр нь АШУҮИС-ийн оюутан, бага хүү Э.Энхтүшиг нь ЕБС-ийн сурагч юм.
Боловсролын байдал:
– 1991 он, Бүрэн бус дунд
Дорнод аймгийн Баянтүмэн сумын 8-н жилийн сургууль
– 1993 он, Бүрэн дунд
Дорнод аймгийн Хэрлэн сумын Ерөнхий боловсролын YIII сургууль
– 2003 он, Эрхзүйч, бакалавр
Их Засаг Их сургууль, Монгол Улс
– 2011 он, Эрхзүйн магистр
Их Засаг Их сургууль, Монгол Улс
– 2015 он, Төрийн удирдлага, хүний нөөцийн менежер
Удирдлагын академи, Монгол Улс
– 2019 он, Удирдахуйн ухааны докторант
Удирдлагын академи, Монгол Улс
Ажилласан байдал:
2003-2007 онд хувийн хэвшилд хуулийн зөвлөх, өмгөөлөгч,
2007-2008 онд Дорнод аймгийн Шүүхийн шийдвэр гүйцэтгэх албаны тоо бүртгэлийн байцаагч,
2008-2009 онд Халх журам хууль зүйн дээд сургуульд иргэний эрх зүй, шүүхийн шийдвэр гүйцэтгэх эрх зүйн багш, иргэний эрх зүйн тэнхимийн эрхлэгч,
2009-2011 онд ХУД-ын ЗДТГ-ын хуулийн мэргэжилтэн,
2011-2012 онд ХУД-ын ИТХ-ын ажлын албаны хуулийн ажилтан, ГХУССЗ-ийн нарийн бичгийн дарга,
2012-2014 онд ЗГ-ын хэрэгжүүлэгч агентлаг Хүүхдийн төлөө үндэсний газрын Хяналт үнэлгээ, мэдээлэл судалгаа, мониторингийн газрын дарга,
Сонгуульт ажил:
2012-2016 онд Баянгол дүүргийн ИТХ-ын төлөөлөгч /АН/,
2016-2020 онд Дорнод аймгийн Хэрлэн сумын ИТХ-ын төлөөлөгч /АН/,
2020-2024 он Дорнод аймгийн ИТХ-ын төлөөлөгч /АН/,
2017-2020 он Дорнод аймгийн Хэрлэн сумын АН-ын дарга,
2021 оноос АН-ын ҮБХ-ны гишүүн
2021 оноос Дорнод аймаг дахь Зөв чигийн зөвлөхүүд НҮТББ-ын тэргүүн
Хуульчийн ажил байдал:
2004 оноос Монголын өмгөөлөгчдийн холбооны гишүүн,
2004-2008, 2011-2013 он, 2014-2024 онуудад өмгөөллийн үйл ажиллагаа эрхэлсэн.
Шагнал:
ХЗДХЯ-ны жуух, Өмгөөлөгчийн алдар алтан медаль, Хөдөлмөрийн хүндэт медаль, АХ-ийн 90 жилийн ойн медаль, Хууль зүйн яамны болон Хүн амын хөгжил Нийгмийн хамгааллын яамны хүндэт жуух, Хүүхдийн байгууллагын 90 жилийн ойн медаль, МЗХ-ны шагнал “Цэргийн алдар алтан медаль”
Олон нийтийн эрх ашигт нийцсэн үйл ажиллагаа:
– 2015 онд УИХ-ын “Дорнод аймгийн Халхгол сумын нутаг дэвсгэрт “Чөлөөт бүс” байгуулах” 75 дугаар тогтоолыг эсэргүүцэн нутгийн иргэдтэй хамтран тэмцэж улмаар Үндсэн хуулийн цэцэд хандан тогтоолын хэрэгжилтийг зогсоолгосон.
– 2018-2019 онд Хэрлэн сумын 2300 иргэнд “Чихрийн шижин өвчний эрт үеийн илрүүлэг” төслийг үнэ төлбөргүй амжилттай хэрэгжүүлсэн.
– 2019 онд Хэнтий, Дорнод аймгийн иргэдийн эрүүл мэндэд ноцтой аюул учруулж болзошгүй Хэрлэн голын эхээс 7 км зайд “Химийн хортой, аюултай хог хаягдал булшлах үйлдвэр” баригдахаар төлөвлөсөн Засгийн газрын тогтоол нь Үндсэн хуульд заасан иргэний эрхийг зөрчиж байсан. Иймд энэхүү үндэслэлээр Үндсэн хуулийн цэцэд хандан Засгийн газрын тогтоолыг хүчингүй болгуулсан.
– 2017-2019 онуудад Цагаан-Овоо сумын иргэдийн хүсэлтээр Степгоулд ХХК-ийн алтны үндсэн ордын газарт амьдарч байсан малчин иргэдийн эрх ашгийг хамгаалж тууштай тэмцсэн.
– 2020 оноос Дорнод аймгийн сумдын хилийн цэсийг дахин тодотгох, хадлан бэлтгэх, отор нүүдлийн зохисгүй байдлыг журамлан тогтоох чиглэлээр тууштай ажиллаж малчин иргэдийн эрх ашгийг хамгаалалцсан.
– 2021 оноос Чойбалсан хотод тулгамдсан Зэвтэй усны асуудлыг аймгийн ИТХ-ын төлөөлөгчийн хувьд хөндөж УИХ-ын гишүүд, аймгийн удирдлагуудад шаардлага хүргүүлж 2021, 2022 оны турш нийт 7 тэрбум орчим төгрөгийн төсвийг батлуулж үр дүнд хүргэсэн.
– 2022 оноос газрын асуудал, барилгын чанарт тавих хяналт, хуулийн хэрэгжилтийг хангуулах талаар асуудлыг хөндөн ажиллаж байна.
– 2021 оноос “Зөв чигийн зөвлөхүүд” НҮТББ-ыг байгуулж иргэдийн эрх зүйн боловсролыг дээшлүүлэх, мөн нийгмийн хариуцлагын хүрээнд иргэдэд хууль эрхзүйн туслалцаа, зөвлөгөө өгч ажиллаж байна. Одоогийн байдлаар 2000 орчим иргэдэд хууль зүйн туслалцаа, дэмжлэг үзүүлж ажиллаад байна.
– 2021 он, 2023 оны 6-р сараас “Тамын 50 км” гэх нэршилтэй автозам, Булган сумын 27 км эвдрэлтэй замыг засахыг шаардаж С.Бямбацогт сайд болон холбогдох албан тушаалтнуудад 3500 иргэдийн гарын үсэг бүхий шаардлага хүргүүлсэн. Ингэснээр анх удаа 8 жилийн дараа тус зам дээр холбогдох яамны сайд ирж засвар хийхэд шаардлагатай 80 орчим тэрбум төгрөгийн төсвийг шийдвэрлүүлэхэд нөлөөлж чадсан.
– “Петро Чайна Дачин Тамсаг Монгол” ХХК-ийн үйл ажиллагаатай холбоотой асуудлаар удаа дараа шаардлага хүргүүлж, жагсаал, цуглаан зохион байгуулан тус компаниас нийгмийн хариуцлагын хүрээнд Матад, Халхгол сумдад тус бүр 450.000 ам/доллар олгох гэрээг байгуулахад сумдын өмгөөлөгчөөр оролцсон.
– Иргэд, орон нутгийн ИНБ, ТББ-тай нягт уялдаа, холбоотой ажиллаж байна.
