Хэнтий аймгийн төгсөх ангийн сурагчдад зориулан ЭЕШ-д амжилттай бэлдэх, гадаад улсад суралцах боломж, дотоод гадаадын тэтгэлэгт хөтөлбөрүүдэд амжилттай оролцох, англи хэлний мэдлэгээ сайжруулах зэрэг олон талт мэдээллийг хүргэх зорилготой “Оюунлаг Хэнтий” сурагчдын өдөрлөгийг “Lead Khentii” клубээс өнөөдөр зохион байгууллаа.
Тус өдөрлөгт Чингис хотын төвийн 5-н сургууль болон Бэрх хотын ахлах ангийн 800 гаруй сурагчид оролцсон юм.
Мөн энэ үеэр нийт төгсөх ангийн 700 гаруй сурагчдад мэргэжлээ зөв сонгох, амжилтад хүрэх өргөн боломжуудыг олж харахад хувь нэмэр болохуйц үүднээс “ШИНЭ АЛХАМ 2024” ном болон YESH.MN платформын 10 сарын эрхийг гардуулан өглөө.
