Ардын дуу бүжгийн Хан Хэнтий чуулгын хамт олон жил бүр хүүхэд багачууддаа зориулсан уран бүтээлийг туурвихыг эрхэмлэдэг. Тэгвэл өнөөдөр тэд ээлжит шинэ уран бүтээл болох “Хортой ус” хүүхдийн жүжгийн нээлтээ хийж, үзэгчдийн хүртээл болголоо. 
Өнөөгийн нийгмийн олон сөрөг үр дагавруудын шалтгаан нь архинаас үүдэлтэй байдаг. Тиймээс Хэнтий нутгийн ирээдүй, хөгжлийн түүчээ болох хүүхэд залуучуудаа хорт зуршлаас хамгаалах, архины хор хөнөөлийн талаар тухай харуулах цаашлаад соёлоор дамжуулан боловсрол олгох ньэнэхүү “Хортой ус” жүжгийн гол зорилго болно.
Жүжгийн ерөнхий найруулагчаар МУСТА Б.Мөнх-Амьдрал ажилласан бол ардын дуу бүжгийн Хан Хэнтий чуулгын дуу, бүжгийн анги, Хэрлэн 1 дүгээр сургуулийн сурагчид гээд нийт 50 гаруй уран бүтээлчид уг жүжигт оролцсон байна.
