Аймгийн Онцгой комиссын даргын 9-р тушаалаар “Шуурхай бүлэг ”-үүд сумд, малчдын өвөлжилтийн бэлтгэл ажилтай танилцах, зудын эрсдэлийг газар дээр нь үнэлэх, “Шинэ хоршоо-Чинээлэг малчин” хөтөлбөрийн хэрэгжилтийн хүрээд малчдаас санал хүсэлт, асуумж судалгаа авах, үр дүнг дүгнэх, мэргэжил арга зүйн зөвлөмж, дэмжлэг үзүүлэх авч хэрэгжүүлсэн арга хэмжээний тайланг аймгийн Онцгой комиссын даргад 2024 оны 12 дугаар сарын 18-ны өдөр танилцууллаа.
Шуурхай бүлэг 5 хэсэгт 27 хүний бүрэлдэхүүнтэй 2024.12.04-ний өдрөөс 8 хоног 18 сумын 75 багт ажиллаж хөнгөлөлттэй нөхцөлөөр зээл авсан нийт 289 хоршооны 626 өрхийн гишүүнтэй уулзалт зохион байгуулж малчин иргэд аюулт үзэгдлээс урьдчилан сэргийлэх, эрсдэлийг бууруулах хариуцлагыг нэмэгдүүлэх зорилгоор 595 малчинтай “Хариуцлагын гэрээ”-г байгуулж ажилласан байна.
