2021 онд эхэлж байсан Жаргалтхаан сумын 320 суудалтай сургуулийн барилгын угсралтын ажил дуусаж, оны өмнө улсын комисс хүлээн авсан. Тэгвэл сурагчдын амралтыг тохиолдуулан сургуулийн шинэ барилга болон 50 ортой хүүхдийн цэцэрлэгийн өргөтгөлийн барилгын нээлтийг хийлээ.
Сургуулийн барилгын зураг төслийг “Сензо констракшн” ХХК зохиож, “Солармед Монгол” ХХК гүйцэтгэсэн бол цэцэрлэгийн барилгын өргөтгөлийн зургийг “Гурван мөнх өргөө” ХХК зохиож, “Бат угсралт констракшн” ХХК гүйцэтгэн ийнхүү ашиглалтад оруулж байна.
Энэ мэтчилэн Хэнтий аймаг сүүлийн гурван жилийн хугацаанд 3 сургууль, 7 цэцэрлэг, 3 дотуур байр шинээр барьж ашиглалтад оруулсан бол 4 сургууль, 2 цэцэрлэг одоо баригдаж байна. Мөн 11 сургууль, 4 цэцэрлэг, 4 дотуур байранд их засвар хийжээ.
