Хүүхэд бүрийн хүсэн хүлээдэг 9 дүгээр сарын 1-ний өдөр ирж, ерөнхий боловсролын сургуулиуд 2023-2024 оны хичээлийн шинэ жилийн нээлтээ нэгэн зэрэг хийлээ. Энэ жилийн хувьд Хэнтий аймгийн хэмжээнд 1600 гаруй хүүхэд 1 дүгээр ангид элсэн орж байна.
Мөн энэ жилээс эхлэн Хэрлэн сумын ЕБ-ын 5 дугаар сургууль шинээр үйл ажиллагаа явуулж буй бөгөөд анхны сурагчидаа угтан авлаа. Тус сургуулийн хувьд 900 орчим сурагчдын суудалтай хэдий ч одоогоор 300 гаруй сурагчидтай хичээлийн эхний өдрөө эхлүүлж байгаа юм.
