Хэрлэн сумын хувиараа бизнес эрхлэгч залуучууд болох Д.Эрдэнэболд, Б.Жамъяан нар хичээлийн шинэ жилийг угтаж “Байгаагаа нэгэндээ” бяцхан тусын аяныг өрнүүллээ. Тодруулбал тэд гудамжаар явж буй 30 гаруй хүүхдэд хичээлийн хэрэгсэл, шинэ гутал, хувцаснуудыг бэлэглэж, хоёр хүүхдэд иж бүрэн хичээлийн хэрэгсэл, дүрэмт хувцсыг гардуулан өгчээ.
Тэдний энэхүү санаачилсан ажлыг Хэнтий аймаг дахь Номин супермаркетын ажилчид, зүүн бүсийн эвт худалдааны төвийн бизнес эрхлэгчид, хувь хүмүүс дэмжиж бэлэн мөнгө, эд материалын тусламж үзүүлсэн байна.
Хичээлийн шинэ жил эхлэх бүрд хүүхэд бүхэн л хичээлийн хэрэгсэл, дүрэмт хувцсыг бэлддэг. Тиймээс бэлдэж чадаагүй болон бэлдэх гэж буй дүү нартаа бага ч гэсэн нэмэр болох үүднээс уг сайн үйлсийн аяныг санаачилсан хэмээн залуус ярьж байлаа.
