Хэнтий аймгийн Сонгуулийн хороо өнөөдөр эвт худалдааны төвийн 2 давхарт иргэд сонгогчид болон Хэрлэн сумын сонгуулийн хороо, хэсгийн хорооны төлөөллийг оролцуулсан сонгогчийн өдөрлөгийгзохион байгууллаа.
Өдөрлөгөөр 2024 оны ээлжит сонгуулийн үйл явцын талаарх мэдээ, мэдээллийг сонгогчдод хүргэх, саналын хуудасны загвар, санал тоолох төхөөрөмжийн ажиллагаагтанилцуулж, туршилтаар иргэдээс санал авч хяналтын тооллого хэрхэн хийдэг талаар үзүүлэх сургалт хийлээ.
Энэхүү туршилтын санал авах төхөөрөмжийг 6 дугаар сарын 8,9-ний өдрүүдэд дахин нээлттэй ажиллуулах бөгөөд иргэд сонгогчдын сонгуульд идэвхтэй оролцоход чухал ач холбогдолтой.
Дашрамд сонордуулахад саналын хуудас нь сонгуулийн тойрогт нэр дэвшигчид өгсөн саналыг тэмдэглэх, нам, эвсэлд өгсөн саналыг тэмдэглэх хоёр хэсэгтэй байх юм. Сонгогч та саналын хуудасны сонгуулийн тойрогт нэр дэвшигчид өгсөн саналыг тэмдэглэх хэсэгт тухайн тойрогт ноогдох мандатын тоотой тэнцүү нэр дэвшигчийг сонгож тэмдэглэнэ. Мандатын тооноос илүү эсхүл дутуу нэр дэвшигч сонгож тэмдэглэвэл таны санал хүчингүйд тооцогдохыг анхаарна уу.
Саналын хуудасны нам, эвсэлд өгсөн саналыг тэмдэглэх хэсэгт сонгогч та өөрийн дэмжиж буй нэг нам, эвслийг сонгож тэмдэглэнэ. Нэгээс илүү нам, эвслийг сонгож тэмдэглэвэл таны санал хүчингүйд тооцогдохыг анхаарна уу.
