“Булганы сэргэлт – Эрүүл Булган” хөтөлбөрийн хүрээнд хөдөөгийн 51 багийн иргэдэд анхан шатны тусламж, үйлчилгээ үзүүлдэг 44 багийн эмч нарын мэдлэг, ур чадварыг дээшлүүлэх зорилготой гурван өдрийн сургалт Улаанбаатар хотод эхэллээ.
Энэхүү сургалтыг
• “Нүүр Ам Судлалын Энх Мөнх Хөгжлийн Төв” ТББ,
• Булган аймгийн Засаг даргын Боловсрол, эрүүл мэнд хариуцсан зөвлөх, АШУҮИС-ийн НАСС-ын захирал, АУ-ны доктор, дэд профессор, Монгол Улсын зөвлөх эмч Ц. Бадрал САН-ийн тэргүүн Б.Батбаяр,
• Булган аймгийн Эрүүл мэндийн газар хамтран зохион байгуулж байна.
Сургалтын зорилго нь багийн эмч нарын ур чадвар, чадавхийг нэмэгдүүлэх, улмаар багийн түвшинд хүргэх эрүүл мэндийн анхан шатны тусламж үйлчилгээний чанарыг сайжруулахад чиглэж байгаа юм.
