Боловсролын яам, Боловсролын ерөнхий газар, Дундговь аймгийн боловсролын газар, тэгш боломжийг бүрдүүлэх замаар суралцахуйг дэмжих төслийн хүрээнд “Суралцагчийн хөгжил, хамгаалал, сэтгэлзүйн болон эрүүл мэндийн үйлчилгээний чанарыг дээшлүүлэх” зорилгоор ерөнхий боловсролын сургуулийн хүүхэд хамгааллын багийн төлөөллийг чадваржуулах говийн бүсийн сургалтыг зохион байгуулж байна.
Сургалтад Дундговь, Дорноговь, Өмнөговь, Говьсүмбэр, Төв аймгийн ерөнхий боловсролын сургуулийн нийгмийн ажилтан, сэтгэлзүйч, эмч, боловсролын газрын арга зүйч нийт 160 хүн оролцож бөгөөд 2025 оны 12-р сарын 01,02-ны өдрүүдэд үргэлжилнэ.
Энэхүү сургалт нь улс орон даяар 5 бүсэд зэрэг зохион байгуулагдаж байгаа бөгөөд сургагч багшаар Боловсролын газрын суралцагчийн хөгжлийн асуудал хариуцсан ахлах мэргэжилтэн Ж.Болормаа, Боловсролын ерөнхий газрын биологи, эрүүл мэндийн хөгжил хариуцсан аргазүйч мэргэжилтэн Н.Болорцэцэг, Нийслэлийн Боловсролын газрын суралцагчийн хөгжил, хамгаалал хариуцсан мэргэжилтэн Б.Мөнх-Эрдэнэ, Чингэлтэй дүүргийн Боловсролын хэлтсийн хүүхдийн хөгжил, хамгаалал, тэгш хамран сургах боловсрол хариуцсан мэргэжилтэн н.Ариунзаяа, Отгон тэнгэр их сургуулийн сэтгэл судлалын тэнхимийн эрхлэгч Ч.Анударь нар ажиллаж байна.
Сургалт нь нийгмийн ажилтан, сэтгэлзүйч, эмч нарын уялдаа холбоог сайжруулж, хүүхэд хамгааллын тохиолдол шийдвэрлэх чадварыг дээшлүүлэх, эрсдэлийг эрт илрүүлэх, хариу үйлчилгээ үзүүлэх арга зүйг өгөх, нэгдсэн ойлголттой болгоход чиглэж байгаа юм.
