Цагдаагийн ерөнхий газрын дарга асан, бригадын генерал Т.Сүхболд Дотоод хэргийн их сургуулийн захирлаартомилогджээ.
Тэрбээр цагдаагийн байгууллагад олон жил ажилласан туршлагатай бөгөөд ЦЕГ-ын даргаар ажиллаж байх хугацаандаа ил тод байдал, сахилга хариуцлагыг чангатгах, шинэчлэл хийхэд анхаарч ажиллаж байсан хэмээн дотоодын зарим эх сурвалжууд үнэлдэг.
Харин ЦЕГ-ын даргын албан тушаалаас чөлөөлөгдөөд удаагүй байсан ч дахин төрийн байгууллагын удирдах албанд “эргэн ирсэн” нь анхаарал татаж байна. Зарим ажиглагчид үүнийг “тушаал дэвшсэн гэхээсээ илүү зөөлөн буулгасан томилгоо” хэмээн дүгнэж байгаа аж.
