Улсын Их Хурлын Байгаль орчин, хүнс, хөдөө аж ахуйн байнгын хороо өнөөдөр хуралдаж, хэд хэдэн чухал асуудлыг хэлэлцэхээр төлөвлөжээ.
Хуралдаанаар өвөлжилтийн бэлтгэл ажлын явцын талаар Хүнс, хөдөө аж ахуй, хөнгөн үйлдвэрийн сайд, мөн Нийслэлийн Засаг дарга бөгөөд Улаанбаатар хотын захирагчийн мэдээллийг сонсох юм.
Мөн Цөлжилттэй тэмцэх тухай Нэгдсэн Үндэстний Байгууллагын конвенцын талуудын 17 дугаар бага хурал (COP-17)-ыг зохион байгуулах үүрэг бүхий Үндэсний хорооны дарга бөгөөд Байгаль орчин, уур амьсгалын өөрчлөлтийн сайдын мэдээлэлтэй танилцана.
Түүнчлэн хууль, тогтоолоор үүрэг болгосон Улсын Их Хурлын шийдвэрийн биелэлтийн тайлан зэрэг асуудлыг хэлэлцэхээр байна.
