Хэнтий аймаг дахь Политехник коллеж нь “Малжуулах хөтөлбөр” хөтөлбөрийн хүрээнд сургуулийн туслах аж ахуйгаас багш ажилчдын нийгмийн баталгааг хангах үүднээс ажилласан жил, гаргасан амжилт, ар гэрийн хүндэтгэх шалтгаан зэрэгт журмын дагуу хонь олгодог уламжлалтай.
Тэгвэл Хэнтий аймгийн түүхэн 100 жилийн ойг угтаж Мэргэжлийн боловсролын салбарт амжилттай ажиллаж байгаа 75 багш ажилчид, мөн гавьяаныхаа амралтад гарсан 47 ахмад багш ажиллагсдад туслах аж ахуйгаас нийт 122 толгой хонийг гардуулан өгсөн юм.
Мөн багш ажиллагсад хэрэгцээтэй үедээ сургуулийн туслах аж ахуйгаас зах зээлийн үнээс 30%-иар хямдаар хүнсний хэрэгцээндээ мах нийлүүлэн авах боломжийг олгосон нь бодит дэмжлэг болжээ.
