Монгол Улсад улаанбурхан өвчний тохиолдол сүүлийн жилүүдэд нэмэгдэх хандлагатай байгаа тул Эрүүл мэндийн яам, Халдварт өвчин судлалын үндэсний төв, орон нутгийн эрүүл мэндийн байгууллагууд хамтран улаанбурханы эсрэг нөхөн дархлаажуулалтын аяныг улс орон даяар зохион байгуулж байна.
Улаанбурхан нь халдварлалт өндөртэй, агаар дуслын замаар хурдан дамждаг вирусийн гаралтай өвчин бөгөөд вакцинаар бүрэн сэргийлэх боломжтой. Иймээс улаанбурханы эсрэг дархлаажуулалтад хамрагдах нь өөрийгөө болон гэр бүл, хамт олноо халдвараас хамгаалах хамгийн үр дүнтэй арга юм.
Дархлаажуулалтын ажил нь нөхөн хамруулалт хэлбэрээр явагдаж байгаа бөгөөд өмнөх жилүүдэд тодорхой шалтгаанаар вакцинд хамрагдаж чадаагүй иргэд, хүүхдүүдийг бүрэн хамруулах зорилготой.
