Хэнтий аймагт Гэмт хэргээс урьдчилан сэргийлэх ажлыг зохицуулах салбар зөвлөлийн 2025 оны үйл ажиллагааны төлөвлөгөөнд тусгагдсаны дагуу “Соёлын өвийн эсрэг гэмт хэргээс урьдчилан сэргийлэх салбар дундын хамтын ажиллагаа” сэдэвт зүүн бүсийн сургалт 2025 оны 11 дүгээр сарын 3-ны өдөр эхэллээ.
Сургалтыг нээж Аймгийн Иргэдийн Төлөөлөгчдийн Хурлын дарга бөгөөд аймагт гэмт хэргээс урьдчилан сэргийлэх ажлыг зохицуулах салбар зөвлөлийн дарга Б.Цогт-Орших мэндчилгээ дэвшүүлэв.
Энэхүү сургалтын зорилго нь соёлын өвийг хамгаалах, соёлын өвийн эсрэг гэмт хэрэгтэй тэмцэх чиглэлээр ажиллаж буй төрийн албан хаагчдыг чадавхжуулах, холбогдох хууль, эрх зүйн мэдлэг олгох, салбар дундын хамтын ажиллагааг бэхжүүлэхэд оршиж байна.
Сургалтад зүүн бүсийн Хэнтий, Дорнод, Сүхбаатар аймгуудын дараах байгууллагуудын төлөөлөл оролцож байна. Үүнд:
-
Гэмт хэргээс урьдчилан сэргийлэх ажлыг зохицуулах салбар зөвлөлийн нарийн бичгийн дарга нар
-
Цагдаагийн газрын экологийн асуудал хариуцсан албан хаагчид
-
Соёл, урлаг, аялал жуулчлал, залуучуудын газрын салбарын хяналтын улсын байцаагчид
-
Соёлын өвийн асуудал хариуцсан мэргэжилтнүүд
-
Музейн эрдэм шинжилгээний ажилтнууд
-
Хэнтий аймгийн цагдаагийн газрын сумдын хэсгийн төлөөлөгч нар
Энэхүү бүсчилсэн сургалт нь соёлын өвийн хамгааллын үйл ажиллагаанд оролцогч байгууллагуудын уялдаа холбоо, хамтын ажиллагааг шинэ шатанд гаргаж, мэдээлэл солилцоо, мэдлэг, ур чадварыг нэмэгдүүлэх чухал ач холбогдолтой юм.
