Жил бүрийн 5 дугаар сарын 15-ны өдрийг дэлхий нийтээр гэр бүлийн өдөр болгон тэмдэглэн өнгөрүүлдэг билээ. Тус өдрийг тохиолдуулан Хэнтий аймгийн хүүхэд, гэр бүлийн хөгжил, хамгааллын газраас 3 дахь жилдээ Гэрлэлтийн гэрчилгээ гардуулах ёслолын үйл ажиллагааг зохион байгууллаа.
Энэхүү ёслолын үйл ажиллагаанд аймгийн Иргэдийн Төлөөлөгчдийн Хурлын дарга Б.Цогт-Орших, Засаг даргын зөвлөх Г.Тайванжаргал, Нийгмийн бодлогын хэлтсийн дарга Б.Түмэнжаргал, Хүүхэд гэр бүлийн хөгжлийн газрын дарга Х.Уртнасан нар ёслолын арга хэмжээнд оролцож хосуудад гэрлэлтийн гэрчилгээг гардууллаа.
Уг өдрөөр Хэнтий аймгийн онцгой байдлын газрын 9 албан хаагч, музейн 2 албан хаагч гал голомтоо бадраалаа.
