Улсын төсвийн хөрөнгө оруулалтаар Хэнтий аймгийн Бор-Өндөр суманд 200 хүүхдийн цэцэрлэг баригдаж байна. Тус цэцэрлэгийн барилга угсралтын ажилд ГХБХБГ-аас захиалагчийн техникийн хяналт гүйцэтгэлээ.
Одоогийн байдлаар барилгын гадна зам талбайн тохижилт, гадна хашаа, гадна дулааны шугамын угсралт, дотор заслын ажлууд гүйцэтгэгдэж байна. Барилгын зураг төсөл зохиогчоор "Гурванмөнхконстракшн" ХХК, барилгын ажлын гүйцэтгэгчээр "Тэргүүнконстракшн" ХХК ажиллаж байна.
Хяналтаар:
– Гадна дулааны шугамын угсралтын ажлыг түргэн шуурхай хийж дуусгаж дотор халаалтыг жигдлэх,
– Гадна зам талбай тохижилтыг зургийн дагуу хийх, авто зогсоол, тоглоомын талбайн бетон цутгалтыг гадна агаарын температур 0°С -аас дээш үед хийх,
– Гадна фасадын өнгө тавих ажлыг 11 сарын 1-ний дотор хийж дуусгах,
– Хүн хүчийг нэмэгдүүлэх зэрэг зөвлөмж үүрэг даалгавруудыг өглөө.
