Хэнтий аймгийн Ахмадын хорооноос санаачлан, ахмад үеийнхний амжилт бүтээл, хөдөлмөр зүтгэлийг алдаршуулах зорилготой “Ахмадын алдар” арга хэмжээг уламжлал болгон зохион байгуулж байна.
Энэ удаад эх орныхоо хөгжил дэвшил, сайн сайхан амьдралын төлөө үнэнч сэтгэлээр хөдөлмөрлөж, бахархам амжилт бүтээлийг гаргасан Хэрлэн сумын хоёрдугаар багийн ахмад настан Л.Төмөрбаатар, Б.Оюунхишиг нарыг “Хөдөлмөрийн алдар”-аар өргөмжлөн, аймгийн Засаг даргын зүгээс хүндэтгэл үзүүлж гарын бэлэг гардуулсныг АЗДТГ-ын НБХ-ийн даргын үүргийг түр орлон гүйцэтгэгч Б.Түмэнжаргал гардууллаа.
Энэхүү арга хэмжээ нь сар бүрийн 16-ны өдөр тогтмол зохион байгуулагддаг уламжлалт үйл ажиллагаа болон үргэлжлэх юм.
