Улсын онцгой комиссын “Ой хээрийн гал түймрээс урьдчилан сэргийлэх, тэмцэх зарим арга хэмжээний тухай” 02 дугаар албан даалгавар, Аймгийн Засаг даргын “Ой, хээрийн түймрээс урьдчилан сэргийлэх, тэмцэх зарим арга хэмжээний тухай” захирамж”-ийн хүрээнд Ой, хээрийн гал түймэр гарах байгалийн нөхцөл бүрдсэн буюу түймрийн эрсдэл бүхий сумдад урьдчилан сэргийлэх “Шуурхай бүлэг”-үүд томилогдон Баян-Овоо, Дэлгэрхаан, Баян-Адарга, Галшар сумдад ажиллаж байна.
Мөн шуурхай бүлгүүд сумдад ажиллах хугацаанд МУ-ын Шадар сайдын баталсан “Гэр хорооллын айл өрхүүдийн гал түймрийн аюулгүй байдал, нэгдсэн арга хэмжээний удирдамжит” ажлын хэрэгжилтийг хангаж объектын түймрээс урьдчилан сэргийлэх чиглэлээр ард иргэд, байгууллага, аж ахуйн нэгжийн галын аюулгүй байдлыг хангуулан зөвлөгөө зөвлөмж хүргэн ажиллах юм.
Хуурайшилтын үе эхэлсэнтэй холбогдуулан ИРГЭН танд дараах зөвлөмжийг хүргэж байна.Намрын хуурайшилттай үед цогтой үнс нурмаа битүү тагтай саванд хийхТамхи, шүдэнзний галыг ил задгай хаяхгүй байхДууссан гал, асаагуурыг хээр, хөдөө ил задгай хаяхгүй байхОй, хээрт явахдаа оч баригчгүй машин техникээр зорчихгүй байхГэр сууц, хашаа хорооны гадуур түймрээс хамгаалах зурвас татахШаардлагатай багаж хэрэгслийг бэлдэж, өөрийгөө болон бусдын амь нас, эрүүл мэнд, эд хөрөнгийг ой, хээрийн түймэрт өртөхөөс хамгаалах, урьдчилан сэргийлээрэй.
