Улсын Гуравдугаар төв эмнэлэг “Хаан банк сан”-гийн дэмжлэгтэйгээр “Цусны даралт ихсэлтийн эсрэг аян”-ыг Хэнтий аймагт хэрэгжүүлэхээр нээлтээ хийлээ. Аяны хүрээнд иргэдэд зориулсан нээлттэй өдөрлөгийг аймгийн нэгдсэн эмнэлгийн гадна талбайд зохион байгуулж, артерийн даралтын эрт илрүүлэг үзлэг, зүрх судасны өвчний эрсдэлийн үнэлгээ, өндөр, жин хэмжилт, хоол судлаачийн зөвлөгөө мэдээлэл өгч байна.
Тус эмнэлэг нь “Хаан банк сан”-ийн дэмжлэгтэйгээр “Цусны даралт ихсэлтийн эсрэг аян”-ыг анх 2017 онд санаачлан Улаанбаатар хотод эхлүүлж, 2018 оноос НЭМҮТ, 2022 оноос МҮОНРТ-тэй хамтран 16 аймагт хэрэгжүүлэн ажиллаж нийтдээ 43 мянга гаруй иргэдийг цусны даралт ихсэлтийн эрсдэлээс сэргийлэх үзлэг, оношилгоо, сургалт мэдээллийн үйл ажиллагаанд хамруулан ажиллажээ.
