Улсын төсвийн хөрөнгө оруулалтаар Бэрх хотод баригдаж буй "Иргэдэд үйлчлэх мэдээллийн төвийн барилга угсралтын ажлын явцад ГХБХБГ-аас захиалагчийн техникийн хяналт гүйцэтгэлээ.
Ажлын талбайд 18 ажилчин барилгын дотор хана таазны эмульс, шатны чулуун өнгөлгөө, ариун цэврийн өрөөний ханын плитаны ажлууд хийж байгаа бөгөөд "Норкут констракшн" ХХК ажлыг гүйцэтгэж байна. Энэ оны 10 дугаар сарын 29-ний байдлаар ажлын явц 80 хувьтай үргэлжилж байгаа юм.
Хяналтаар барилгын гадна орчинд хийгдэж дутуу ажлуудыг хэт хүйтрэхээс өмнө эхэлж хийж дуусгах, цонхны хаялаг төмрийн цилконыг сайжруулж засах, В-ийн 2-3 тэнхлэг хооронд хийгдсэн гоёлын хаалтыг зургийн зохиогчтой зөвшилцөх, хотын төв автозамтай холбоотой гарсан тохижилтын ажлын өөрчлөлтийн зургийг ерөнхий төлөвлөгөөнд оруулж зураг хийлгэж гүйцэтгэх, коллекторын хайрцагны доор цэвэр үзэмжтэй суурь хийж битүүмжлэх, одооноос баримт бичгийн бүрдлийг хангаж цэгцлэн комисст бэлтгэх, ажлын талбайд хөдөлмөрийн аюулгүй ажиллагааг тогтмол мөрдөж ажиллах зэрэг үүрэг даалгавар зөвлөмжийг өглөө.
