Монгол Улсын тэргүүний сум шалгаруулах болзлын дагуу зүүн бүсийн ажлын хэсэг Сүхбаатар аймгийн Мөнххаан, Хэнтий аймгийн Дадал сумд ажиллаж өнөөдөр дүнгийн хурал хийн үнэлгээгээ танилцууллаа. Үнэлгээгээр Дадал сум 95.3 хувь, Сүхбаатар аймгийн Мөнххаан сум 93.7 хувьтай үнэлэгдэж Дадал сум зүүн бүсээс улсын тэргүүний сумаар шалгарлаа.
Монгол Улсын тэргүүний сумыг Засгийн газрын 193 дугаар тогтоолын дагуу 19 шалгуур үзүүлэлтээр шалгаруулдаг. Өнөөдөр ийнхүү тус шалгуурын хүрээнд нийгэм, эдийн засгийн үзүүлэлт, төрийн байгууллагуудын үйл ажиллагаа, бүтээн байгуулалт, төлөвлөлтийн ажлуудаа танилцуулан тайлагнаж ийнхүү улсын тэргүүний сумаар шалгарч байна.
Ингэснээр Хэнтий аймгаас тодорсон улсын тэргүүний гурав дахь сум болж буй юм.
