Аймаг, сумын хөгжлийн бодлого төлөвлөлттэй уялдуулан орон нутагт нэн шаардлагатай мэргэжлээр их, дээд сургуульд суралцаж буй оюутнуудыг сургалтын төлбөрийн дэмжлэг үзүүлж, гэрээ байгуулах замаар сумын боловсон хүчний нөөцийг бүрдүүлэх зорилгоор аймгийн Засаг даргын нэрэмжит “Нутгийн ирээдүй” зорилтот сургалтын төлбөрийн тэтгэлэг олгох төслийг 5 дахь жилдээ хэрэгжүүлж байна.
Тус тэтгэлэгт хамрагдсанаар сумдын боловсон хүчний нөөцийг бодлогоор дэмжиж, оюутнуудад сургалтын төлбөрийн 100%-ийн дэмжлэг үзүүлж, сумдад тогтвор суурьшилтай ажиллах төрийн албан хаагчдыг бэлтгэн гаргаж байна.
Тэгвэл энэ онд шинээр “Нутгийн ирээдүй” сургалтын төлбөрийн тэтгэлэгт сум, орон нутагт нэн шаардлагатай мэргэжлээр сумандаа ажиллах гэрээний дагуу нийт 15 оюутан шинээр хамрагдаж, өнөөдөр гэрээгээ байгууллаа. Үүнээс:
- Багш-4
- Эм найруулагч-1
- Хүний их эмч-2
- Сувилагч-2
- Газрын кадастр-2
- .Экологи байгаль хамгаалагч-1
- Мэдээлэл зүйн багш-1
- .Олон улсын харилцаа-2
- Эм зүйч-1
- Малын эмч-1 тус тус мэргэжлийн хүрээнд суралцахаар боллоо.
Дашрамд дуулгахад 2019-2023 онд нийт 164 оюутан тэтгэлэгт хамрагдсны 50 нь төгсөж, тухайн сум, орон нутагтаа мэргэжлээрээ ажиллаж сумдын боловсон хүчний нөөцийг бүрдүүлэн ажиллаж байгаа юм.
