Аймгийн Засаг даргын ивээл дор Хэнтий аймгийн төрийн цэргийн болон хууль сахиулах байгууллагуудын дунд анх удаа “Шилдэг залуу офицер, ахлагч” шалгаруулах тэмцээнийг зохион байгуулж байна.
Тэмцээнд Хэнтий аймгийн Цагдаагийн газар, Онцгой байдлын газар, Шүүхийн шийдвэр гүйцэтгэх газар-419 дүгээр нээлттэй хорих анги, Тагнуулын хэлтэс, Дотоодын цэргийн 830-р тусгай салбар, Шүүх шинжилгээний хэлтэс, Зэвсэгт хүчний 232-р анги, Хилийн цэргийн 0287-р анги гэсэн 6 байгууллагын албан хаагчид өрсөлдөх юм.
Тэмцээн 2 үе шаттай явагдах бөгөөд өнөөдөр 1 дүгээр шатны шалгаруулалтын нэг хэсэг болох англи хэлний анхан шатны мэдлэг сорих шалгалтыг 123 алба хаагчаас авлаа. Харин Зэвсэгт хүчний 232-р анги, Хилийн цэргийн 0287-р ангийн бие бүрэлдэхүүнээс 3 сарын 6-8-ны өдрүүдэд ажлын хэсэг очиж шалгалт авна.
Маргааш буюу 3 сарын 2-нд төв цэнгэлдэх хүрээлэнд цэргийн бие бялдрын ерөнхий бэлтгэлжилт, норматив дасгалын шалгалтаар үргэлжилнэ.
