Төрийн цэргийн болон хууль сахиулах байгууллагуудын залуу офицерууд “Хар зүрхний хөх нуур”-ын байгалийн үзэсгэлэнт газарт өнгөрсөн амралтын өдрүүдэд чууллаа. Энэхүү чуулганд төрийн цэргийн болон хууль сахиулах байгууллагуудаас шалгарсан шилдэг 817 залуу офицер оролцсон юм.
Тус чуулганыг залуу офицеруудыг хөгжүүлэх, нийгмийн хамгааллыг нэгдсэн бодлогоор шийдвэрлэх зорилгоор анх удаа Монгол улсын ерөнхийлөгчийн ивээл дор зохион байгуулжээ. Чуулганы үеэр “Залуу офицеруудын манлайлал хөгжил, нийгмийн оролцоо” сэдэвт панел хэлэлцүүлэг өрнүүлэн, “Төрийн цэргийн болон хууль сахиулах байгууллагуудын залуу офицеруудын хөгжил ба манлайлал” нэгдсэн илтгэлийг танилцуулж дэд чуулган болон эрдэм шинжилгээний хурлаас гарсан санал, дүгнэлт, уриалгыг удирдлагуудад гардуулав.
Мөн уг чуулганыг хоёр жил тутамд зохион байгуулахаар болжээ.
