Хэнтий аймаг сүүлийн 3 жилийн хугацаанд иргэдийг хямд үнэ бүхий орон сууцаар хангаж, ипотекийн зээлд хөнгөлөлттэй нөхцөлөөр хамруулахад аймаг, орон нутгийн зүгээс анхаарч ажиллажээ.
Тодруулбал хөрөнгө оруулалт татах, бүсийн хамтын ажиллагааг нэмэгдүүлэх зорилготой “Инвест Хэнтий-2023” хөрөнгө оруулалтын чуулганыг өнгөрөгч 2023 оны 11 сард зохион байгуулсан. Энэ үеэр Хаан банкны орон нутгийн иргэдийн банкны захирал Ю.Төрмөнхтэй 20 өрхийг ипотекийн зээлд хамруулахаар хамтран ажиллах санамж бичгийг орон нутгийн удирдлагууд байгуулсан.
2023 онд гэхэд л 32 иргэн ипотекийн зээлд хамрагдсан бол 2021-2023 онд нийт 189 иргэн тус зээлд хамрагджээ.
