Хэнтий аймгийн Засаг дарга Ц.Чогсомжав, Биндэр сумын Засаг дарга Э.Мөнх-Очир, ГХБХБГ-ын ахлах мэргэжилтэн Б.Гантөгс нар Биндэр сумын сурагчдын дотуур байрны их засварын ажлын явцтай танилцлаа.
Тус дотуур байранд аймгийн ОНХС-ийн 250 сая төгрөгөөр их засвар хийгдэж байна. Эхний гүйцэтгэгч компани гүйцэтгэл дутуугаас үүдэж дахин гүйцэтгэгч компани өөрчлөгдөж, өнөөг хүртэл засварын ажил дуусаагүй, дотуур байрны хүүхдээ аваагүй байгаа юм.
Аймгийн Засаг даргын зүгээс шинэ хичээлийн жил эхэлсэнтэй холбоотойгоор дотуур байрын сурагчдын амьдрах орчин, аюулгүй байдлыг хангах үүднээс засварын ажлыг чанартай, түргэн шуурхай хийж энэ сарын 12 гэхэд дотор засварыг дуусгаж, ашиглалтад оруулах үүрэг чиглэлийг гүйцэтгэгч компанид өглөө.
