Өнөөдөр /2025.03.26/ Улаанбаатар хотноо Хэнтий аймгийн ашигт малтмалын тусгай зөвшөөрөл эзэмшигчид болон уурхай, уулын үйл ажиллагаа эрхлэгч аж ахуйн нэгжүүдтэй уулзалт хийж, хэлэлцүүлэг зохион байгуулж байна.
Аймгийн хэмжээнд 180 аж ахуйн нэгж, уул уурхай эрдэс баялагийн салбарт үйл ажиллагаа явуулж байна. Үүнээс 100 гаруй аж ахуйн нэгжийн 120 гаруй төлөөлөл оролцож, салбарын мэдээлэл, туршлага солилцож байна.
Уул уурхай, эрдэс баялгийн салбарын үйл ажиллагааг аймаг орон нутгийн хөгжил, нийгэм, эдийн засагт үр өгөөжтэй, хүртээмжтэй зохион байгуулах, орон нутагт шаардлагатай мэргэжилтэй ажилтан, хүний нөөцийг бэлтгэх, жижиг, дунд үйлдвэрлэгч, үйлчилгээ явуулж буй аж ахуйн нэгжүүдтэй хамтарч ажиллах, нийгмийн хариуцлагыг нэмэгдүүлэх, хамтран ажиллах гэрээний өмнөх оны хэрэгжилтийг дүгнэж, дараагийн 4 жилийн гэрээний нөхцлийг зөвшилцөх, салбарын мэдээ мэдээллийг солилцох, орон нутагтай хамтран ажиллах чиглэлийг тодорхойлох зорилгоор уулзалт хэлэлцүүлгийг зохион байгуулж байна.
