Улсын төсвийн хөрөнгө оруулалтаар Дэлгэрхаан суманд 100 ортой дотуур байр баригдаж, ашиглалтад орсон. Тэгвэл сурагчдын амралтыг тохиолдуулан сургууль, цэцэрлэгийн барилгууд нээлтээ хийлээ.
Барилгын ажлыг БШУЯ-ны захиалгын дагуу "Шигота" ХХК-ийн зураг төслөөр "Их-Очирт хүрдэн" ХХК хийж гүйцэтгэсэн. Тодруулбал, БШУЯ-ны захиалгаар Засгийн газрын хэрэгжүүлэгч агентлаг Төрийн худалдан авах ажиллагааны газар 2021 оны 12-р сард Хэнтий аймгийн Дэлгэрхаан суманд 100 ортой дотуур байр барих барилгын ажлын тендерийг зарлаж гүйцэтгэгчээр "Их-Очирт хүрдэн" ХХК шалгарч, улсын төсвийн 1,4 тэрбум төгрөгөөр барилгын ажлыг нэг жилийн хугацаанд хийж гүйцэтгэжээ.
Энэ сарын 28-нд сурагчид шинэхэн дотуур байрандаа орох юм.
