Хэнтий аймаг дахь Төрийн аудитын газраас төсвийн байгууллагын дарга, нягтлан бодогч нарт 2023 онд хийгдсэн аудит, шилэн дансны тухай хуулийн хэрэгжилтэд хийж байгаа аудитын явц болон төсөв санхүүгийн анхаарах асуудлын талаар мэдээлэл хийлээ. Мөн төрийн аудитын тухай хууль болон төсвийн тухай хуульд орсон өөрчлөлтүүд болон өмнөх оны аудитын шалгалтаар хийгдсэн алдаа, дүгнэлтийг танилцуулсан юм. Энэ үеэр төсөв захирагчдын хуулийн мэдлэгийг тэлэх, шалгах үүднээс асуулт хариултын тэмцээн зохион байгууллаа.
Өнгөрөгч 2023 онд 301 байгууллагад санхүүгийн тайлангийн аудит хийжээ. Үүнээс зургаан байгууллага хязгаарлалттай дүгнэлт авсан байна. Ерөнхийдөө хөрөнгийн тооллогыг хуулийн хугацаанд хийгээгүй, зарлага орлогын тайлан нь харилцагч байгууллагатай нийлээгүй, төсөв захирагч нар дур мэдэн өөрөө өөртөө шийдвэр гаргаж цалин авдаг гэх мэт зөрчлүүд илэрчээ.
Энэ удаагийн уулзалтад ирээгүй байгууллагуудад зохих арга хэмжээ авна гэдгийг Хэнтий аймаг дахь Төрийн аудитын газрын дарга Ж.Ганбаатар онцгойлон хэллээ.
