Хэнтий аймгийн 2023 оны жилийн эцсийн мал тооллогын урьдчилсан дүн гарчээ. Өнгөрөгч 2022 онд 5.1 сая мал тоолуулж улсдаа 4-р байранд орж байсан Хэнтий аймаг 2023 оны жилийн эцэст 4.1 сая мал тоолуулж тавдугаар байранд бичигдсэн байна. Нэг байраар хойшилсон шалтгаан нь өнгөрсөн хаврын шуурга болон энэ жилийн өвөлжилт хүндэрсэнтэй холбоотойгоор мал олноор хоргодож, малчдын борлуулалт нэмэгдсэнтэй холбоотой байжээ.
Тодруулбал малын төрлөөр өмнөх онтой харьцуулахад хонь 345.5 мянга (13.2), ямаа 284.6 мянга (17.2), үхэр 29.3 мянга (6.7%), адуу 18.5 мянга (4.9%), тэмээ 0.2 буюу (3.7%) –аар тус тус буурсан байна.
Мөн Өмнөдэлгэр сум хамгийн их малын хоргодолтой сумаар нэрлэгдсэн боловч 564.0 мянган толгой мал тоолуулж малын тоогоороо улсдаа дахин тэргүүлжээ. Харин аймгийн хэмжээнд Норовлин сумын мал 19.2 мянган толгойгоор өсөж, бусад сумдын мал 2.9 мянган толгойгоор \– 109.5\ буурсан байна. Тухайлбал Баянхутаг, Өмнөдэлгэр, Батноров сумдын мал хамгийн их хорогджээ.
Аймгийн хэмжээнд Өмнөдэлгэр 564.0, Хэрлэн 495.8, Баянхутаг 373.0, Галшар 346.3, Батноров 328.7 мянган толгой мал тус тус тоолуулж, малын тоогоороо тэргүүлж байна.
Дашрамд сонордуулахад аймгийн хэмжээнд Өмнөдэлгэр сум адуу, үхэр, хонь, ямааны тоогоор тэргүүлж байгаа бол Дархан сум тэмээний тоогоор тэргүүлж байна.
