Жил бүрийн шинэ жилийн баярыг угтаж Хэнтий аймгийн Монгол шуудангийн газраас цэцэрлэгийн хүүхдүүд болон сурагчдын дунд гар зураг, эсээ бичлэгийн уралдааныг зарладаг уламжлалтай.
Энэ жил “Харилцаа холбоо, шуудангийн хөгжил-ирээдүйд” сэдэв дор гар зургийн уралдааныг зарлажээ. Уралдаанд 18 сум, 5 тосгодын хүүхдүүд оролцож, 70 гаруй бүтээлийг илгээсэн байна. Жил ирэх тусам уралдааны цар хүрээ өргөжиж, анги хамт олноороо оролцохоос гадна зарим хүүхдүүд жил бүр бүтээлээ явуулдаг болжээ.
Зохион байгуулагчдын хувьд уралдаанд оролцсон хүүхдүүдийг онцолж, байр эзлүүлэх бус оролцсон хүүхэд бүрийг урамшуулж, бэлэг тараадаг байна.
