Нутгийн брэнд бүтээгдэхүүнийг бий болгох, жижиг дунд бизнес эрхлэгчдийг дэмжих, ард иргэдэд сурталчлан таниулах зорилгоор УИХ-ын 18 дугаар тойргийн гишүүд, ХХААХҮ-ийн дэд сайд М.Ганхүлэг нарын санаачилгаар “Брэндийн эрэлд-2023” уралдааныг хоёр сарын өмнө Хэнтий аймгийн хэмжээнд зарласан.
Тус уралдаанд 7 сум, 2 тосгон, 1 коллежийн нийт 10 багийн 58 залуучууд нутаг бүрийнхээ брэнд бүтээгдэхүүнийг сонгон оролцож, 7 хоног бүр зохион байгуулагчдаас өгсөн даалгаврыг гүйцэтгэж, 5 долоо хоногийн турш өрсөлдсөний эцэст шилдэг таван баг шалгаран үлдэж, өнөөдөр шагналаа гардан авлаа.
Тэгвэл уралдааны нийт дүнгээр Мөрөн сумын "Цагаан саримс" баг тэргүүлж цом, 2.5 сая төгрөгийн шагнал авсан бол Бор-Өндөр сумын “GGDesign” баг дэд байр, Хэрлэн сумын “Язгуур брэнд” баг гутгаар байр, Өмнөдэлгэр сумын Өмнөдэлгэрэх булаг хоршоо, Гурванбаян тосгоны Дээдсийн малгай багууд тус тус тусгай байруудад шалгарч, мөнгөн шагнал, батламжийн эзэд боллоо.
