Гэр бүл хүүхэд залуучуудын хөгжлийн газраас жил бүр үндэсний болон олон улс, тив дэлхийн түвшинд оюун ухаан, урлаг, спортын төрлөөр онцгой амжилт гаргаж, аймаг орон нутгийнхаа нэрийг сурталчлан, манлайлсан сурагчдыг “Оны онцлох хүүхэд”-ээр өргөмжилдөг уламжлалтай.
Энэ жилийн тухайд урлаг, сурлага, спорт зэрэг 9 төрөлд 33 сурагч материал ирүүлсэн байна. Тэгвэл Хэнтий аймгийн “2023 оны онцлох хүүхэд”-ээр:
- Биеийн тамир, спортын төрөлд Хэрлэн 1 дүгээр сургуулийн сурагч Эрхэмбаатарын Анар-Эрдэнэ
- Техник сэтгэлгээ, шинэ санал, санаачилга, бүтээлч байдал төрөлд ТЦС-ийн Тогоохүүгийн Эрдэнэдалай
- Сурлагын амжилт төрөлд ТЦС-ийн сурагч Мөнхчулууны Доржсамбуу
- Урлаг, уран бүтээл төрөлд ТЦС-ийн сурагч Бямбацогтын Маргадсувд
- Хүүхдийн оролцооны өөрийн удирдлагын байгууллага төрөлд Хэрлэн 1 дүгээр сургуулийн сурагч Сарантуяагийн Болортуяа
- Оюун ухаан, ой тогтоолтын спортын төрөлд Бор-Өндөр сумын бага сургуулийн сурагч Түвшинбатын Эгшиглэн
- Багийн амжилт төрөлд ТЦС-ийн “Мөнгөн Су Су” эко клуб нар тус тус шалгарлаа.
Түүнээс гадна хүүхдийн хөгжил хамгааллын жилийн хүрээнд хүүхэд хамгааллын суурь үзэл баримтлалыг түгээн дэлгэрүүлэх, эрсдэлт нөхцөлд байгаа хүүхдийг таних, илрүүлэх, шуурхай хариу үйлдэл үзүүлж урьдчилан сэргийлэн, үнэлгээ дүгнэлт хийж хүүхэд хамгаалалд боловсролын манлайллыг нэмэгдүүлж, олон нийтэд нөлөөлөх зорилгоор зохион байгуулсан “Шилдэг анги удирдсан багш” шалгаруулах болзолт уралдаанд түрүүлсэн багш нарыг шагнаж, урамшууллаа. Мөн энэ үеэр оны шилдэг эцэг эхийн зөвлөлүүдийг тодруулж, шагналыг нь гардуулан өгсөн юм.
