Булган аймгийн Шуурхай штаб сумдын Шуурхай штабын төлөөлөлтэй цахим хурал зохион байгуулж, цаг үеийн нөхцөл байдлын талаар мэдээлэл солилцлоо.Хурлын үеэр аймгийн Хүнс, хөдөө аж ахуйн газраас мал аж ахуйн салбарын өнөөгийн нөхцөл байдал, хаваржилтын явцын талаар танилцуулга хийв. Мөн сумдын төлөөллүүд орон нутагт хэрэгжүүлж буй ажлууд, тулгамдаж буй асуудал, санал хүсэлтээ аймгийн Шуурхай штабад танилцууллаа.
Түүнчлэн Хүнс, хөдөө аж ахуйн газар, Мал эмнэлгийн газар, Онцгой байдлын газраас сумдын холбогдох албан тушаалтнуудад болзошгүй эрсдэлээс урьдчилан сэргийлэх, бэлэн байдлыг хангаж ажиллах чиглэлээр заавар, зөвлөмж өгч, үүрэг чиглэл өглөө.
Аймгийн Шуурхай штабын хурлаар Баян-Агт, Сайхан, Хутаг-Өндөр, Хангал, Орхон, Хишиг-Өндөр, Тэшиг сумдад хаваржилт хүндрэлтэй байгаа тул аймгийн аюулгүйн нөөцөөс өвс, тэжээлийг 40 хувийн хөнгөлөлттэй үнээр олгох, мөн хаагдсан зам, давааг нээх зорилгоор туулах чадвар сайтай автомашин болон шатахууны дэмжлэгийг Тэшиг, Орхон, Сайхан сумдад үзүүлэх шийдвэр гаргалаа.
