Онон голын менежмент төлөвлөгөөний хэрэгжилтийг хангуулах, загасчдын клубын гишүүдийн мэдлэг ойлголтыг нэмэгдүүлж, чадавхжуулах сургалт энэ сарын 5-нд Дадал суманд зохион байгуулагдлаа.
Тус сургалт нь Онон голын загас агнуурын бүс нутгийн агнуурын менежментийн төлөвлөгөөний хэрэгжилтийг хангуулах, ажлыг сайжруулах цаашлаад сумдын засаг дарга, байгаль орчны хяналтын улсын байцаагч, байгаль хамгаалагч нар болон Онон голын загасчдын клубын гишүүдийн мэдлэг ойлголтыг нэмэгдүүлэх, чадавхжуулах зорилготой юм. Сургалтаар амьтны тухай хуулийн эрх зүйн орчин, тул хамгаалал-хамтын ажиллагаа, ахуйн зориулалтаар амьтан агнах загас барих эрхийн бичиг болон тодорхойлолтыг хэрхэн олгох зэрэг сэдвийн хүрээнд БОАЖГ-ын мэргэжилтэн Б.Нандинбаатар, WWWF зүүн бүс хариуцсан захирал Г.Болортуяа нар мэдээлэл өглөө.
Сургалтыг аймгийн БОАЖГ, Дэлхийн байгаль хамгаалах сангийн Монгол дахь хөтөлбөрийн газар, Онон голын загасчдын клуб төрийн бус байгууллага хамтран зохион байгуулжээ.
