“Тэрбум мод” үндэсний хөдөлгөөний хүрээнд Хэнтий аймгийн хэмжээнд зохион байгуулсан ажил арга хэмжээтэй танилцах, модны амьдралтын хувийг тооцож дүгнэх, байгаль хамгаалах, нөхөн сэргээх арга хэмжээний зардлаар хийгдсэн ажлын гүйцэтгэлд хяналт тавих зорилгоор аймгийн Засаг даргын А\573 дугаар захирамжаар ажлын хэсэг байгуулагдсан.
Тус ажлын хэсэг энэ оны 11 дүгээр сарын 20-29-нийг хүртэлх өдрүүдэд Хэрлэн сум \Өлзийт, Тахилгат тосгон\ Ой бүхий сумд, Хээрийн сумд гэсэн 3 хэсэгт хуваагдан хяналт шалгалтын ажлыг зохион байгуулахаас гадна зөвлөн туслах үйлчилгээг үзүүлжээ.
Сумдын хувьд “Тэрбум мод” үндэсний хөдөлгөөний хүрээнд ногоон байгууламж болон ойжуулалтын зориулалтаар мод тарьж ургаалахаас гадна сум бүр жишиг болохуйц ажлуудыг санаачилан хэрэгжүүлж байна.
Тухайлбал Батширээт сум шинээр мод үржүүлгийн талбайг бий болгох, Баян-Адарга сум ойн зурвасыг хамгаалах, ногоон байгууламжийг нэмэгдүүлэх зорилгоор 1.4 га орчим талбайг хашаажуулж 7500 ширхэг мод тарьсан бол Биндэр сум доройтсон ойгоо нөхөөн сэргээж 36000 нарс мод тарьжээ.
