Хэнтий аймгийн ЗДТГ, ХААИС-тай хамтран “Тэрбум мод” үндэсний хөдөлгөөний хүрээнд ой, жимс жимсгэний мод сөөгийн үржүүлгийн сургагч бэлтгэх сургалтыг 12 дугаар сарын 8,9-ний өдрүүдэд Чингис хотноо зохион байгууллаа. Энэхүү сургалтад албан байгууллагуудын төлөөллүүд болон хувиараа жимс, хүнсний ногоо тариалдаг 40 орчим хүмүүс хамрагдсан юм.
Тус сургалтаар “Тэрбум мод” үндэсний хөдөлгөөний хүрээнд ойжуулалт, ногоон байгууламжийн зориулалтаар тарьж буй мод, сөөгийг хэрхэн зөв тарих, яаж хамгаалах, мод ургамалд тохиолддог өвчин болон мэрэгч амьтнаас урьдчилан сэргийлэх зэрэг мэдээ мэдээлэл өгөхийн зэрэгцээ сургагч багш нарыг бэлтгэж сертификат олгох зорилготой юм.
