Хэнтий аймгийн Өмнөдэлгэр суманд 640 хүүхдийн суудалтай сургуулийн барилгын ажил дуусаж, улсын комисс хүлээн авлаа.
Тус сургуулийн хувьд 1100 гаруй хүүхэд, 86 багш ажилтантай. Өмнөх хичээлийн байр чанарын шаардлага хангахгүй, анги танхимын хүртээмж муу зэрэг асуудлаас болж олон жил өглөөний 7 цагаас оройн 21 цаг хүртэл зай завсаргүй, сургалт хүмүүжлийн ажил үргэлжилдэг байж. Тэгвэл ийнхүү шинэ сургууль баригдаж хүүхдийн сурах, хөгжих орчин шаардлага хангадаггүй байдал дуусгавар болжээ.
