Хүүхдийн авьяас чадвар, гоо зүй, ёс суртахууныг урлагийн олон төрлөөр нээн хөгжүүлэх замаар зүүн Монголын соёлын биет бус өвийг танин мэдэх, түгээн дэлгэрүүлэх, өвлүүлэн уламжлуулахад бодит хувь нэмэр болох зорилготой “Хан Хэнтий-100” хүүхдийн урлагийн их наадам аймгийн Засаг даргын ивээл дор зохион байгуулагдаж байна.
Тус наадамд 14 сумын 17 ерөнхий боловсролын сургуулийн 700 гаруй сурагчид үндэсний хөгжмийн цөөхүүл, морин хуурын хамтлаг, ардын болон орчин үеийн хамтлаг бүжиг, хамтлаг дуу, гоцлол бүжиг гэх мэт урлагийн 11 төрлөөр авьяас чадвараа сорин өрсөлдөж байна.
Тэмцээн энэ сарын 20,21-ний өдрүүдэд зохион байгуулагдах бөгөөд маргааш шилдгүүдийн гала тоглолтоор өндөрлөнө.
