Галшар сумын залуу хосууд болох Б.Гантулга, Э.Оюун-Эрдэнэ нар 10 дугаар сарын 17-ны билэгт сайн өдөр гал голомтоо бадрааж, хуримаа хийлээ. Тэдний энэхүү хуримын арга хэмжээг орон нутгийн удирдлагуудын зүгээс дэмжиж, гэрлэлтээ баталгаажуулах ёслолын арга хэмжээг нь сумынхаа хүндэтгэлийн өргөөнд зохион байгуулж өгчээ.
Хосуудын хувьд хоёулаа хөдөө орон нутагтаа ажиллаж буй залуу боловсон хүчнүүд бөгөөд нөхөр Б.Гантулга нь багийн засаг дарга, эхнэр Э.Оюун-Эрдэнэ бага ангийн багш хийдэг байна. Тэд хоёр хүүхэдтэй юм.
.
Галшар сум энэхүү хүндэтгэлийн өргөөндөө цаашдаа залуу гэр бүлүүдийнхээ хуримын ёслолыг зохион байгуулахаас гадна алтан, мөнгөн хуримуудыг ч зохион байгуулах болно гэдгийг сумын засаг дарга Д.Нямбаатар онцлон хэлж байлаа.
