Монгол морины гайхамшиг, монгол хүний тэсвэр тэвчээрийг дэлхий дахинд сурталчлах зорилготой, үндэсний хэмжээний томоохон шоу болох “Сайн эрс” морьт уралдаан 10 дугаар сарын 23-нд эхлэх гэж байна.
Тодруулбал 5 аймгийн 5 залуу, таван өөр цэг буюу 600 км-ийн зайнаас Монгол улсын төв цэг Өвөрхангай аймгийн Бүрд сум хүртэл морьтой уралдах юм. Ингэхдээ дээр үеийн сайн эрсийн замналаар гаднаас ямар нэгэн тусламж хүртэлгүй, хээрээр гэр хийж хэцээр дэр хийж явсаар хамгийн түрүүнд хүрэх газраа очсон оролцогч ялагчаар тодрох байна.
Тэгвэл энэхүү шоунд Хэнтий аймгийн Биндэр сумын 4-р багийн малчин Л.Мөнхсайхан оролцох гэж. Түүний хувьд өмнө нь “Монгол брэнд-Морин өртөө” уралдаанд оролцож байжээ.
Тус уралдаанд Төв, Баянхонгор, Увс, Говь-Алтай, Хэнтий аймгуудын таван залуу оролцох юм.
